يانااااااااااااااااس محبوسة

محبوسه بين اربع حطان
وفين اداوى جرحى
يعدى ليل بنهار
وينفد بالهم صبري
ياقلبي هتبنى عشك فين
وشجرة الحنان مكسوره
وورقها بعدو الريح
واغصانها هزيلة الصوره
فين بس اروح بيك
والاحزان عليك محصوره
وازاى اسلكلك من الهم طريق
واعملك جناح عصفوره
لفيت بيك سنين
ويموت امل بأنين
بكلمه محبوسه
من قلب بيت مخنوق
من نفس مخنوقه
نفسي اصرخ وازعق
من الخوف
من الناس
من قلة الاحساس
من ظلم بلاد عدا على بلاد
من هم كل يوم يزداد
وانا في الفضا محبوسه

محبوسه بين اربع حطان
والهم مالينى
وسفينة الاحلام على فين تودينى
يا رحمه من عند الالـه تهدينى
يا صرخه فى قلبي تزعق تصحينى
انا مين ؟؟ ....انا انسان؟؟؟؟؟؟
من الناس اللى فى الكون
ولا ذرة رمل مطحونه بلا لون
يا مين يسمع بس تنهيدي
ونبض انيني
بينبض بحب الموت في وريدى
لدنيا منى الف سلام وسلام وشكر
على اللى خدته من جرح وذل


محبوسه بين اربع حطان
وجوايا مية فنان
ساكتين......
فنان يغنى بصوت مبحوح
وفنان بيرسم بريشه مكسوره
جوايا ناس زحمه أهم
قاعدين.......
عاجزين عن الكلام ..عن التعبير
عن رسم صوره

وانا بصرخ ..يا ناااااااااااااااااااس محبوسه.